வீட்டு முறையில் தயாரித்த வரமிளகாய் தூள்
Ingredients
- காய வைத்த வர மிளகாய் -1/2 கிலோ
Instructions
- தேவையான அளவு மிளகாய் எடுத்து கொள்ளவும். குண்டு மிளகாய் ½ கிலோ காஷ்மீரி மிளகாய் 1/2 கிலோ தனித்தனியாக எடுத்து கொள்ளவும்.
- ஒரு பிளாஸ்டிக் ஷீட்டில் அல்லது காட்டன் துணியில் மிளகாயை பரப்பி 2 மணி நேரம் வெய்யிலில் காய வைக்கவும்.
- 2 மணி நேரத்துக்கு பிறகு மொறு மொறுப்பாகவும் உடையும் அளவும் காய்ந்து அரைக்க தயாராக இருக்கும்.
- உங்களுக்கு முடிந்தால் மிளகாயின் காம்பை நீக்கலாம். நான் காம்புடன் அரைத்துக் கொள்வேன். நான் அருகில் உள்ள மில்லில் அரைத்துக் கொள்வேன். வெளி நாட்டில் இருப்பவர்கள் மிக்சியில் சிறிதளவு அரைத்துக் கொள்ளலாம். அரைக்கும் போது முகத்துக்கு மாஸ்க் அணிந்து கொண்டால் தும்மலை தவிர்க்கலாம்.
- அரைத்த பின்னர் சூடாக இருக்கும். ஒரு பேப்பரில் பரப்பி ½ மணி நேரம் ஆற விடவும்.
- சூடு நன்றாக ஆறிய பின்னர் ஒரு காற்று புகாத பாத்திரத்தில் போட்டு மூடி வைக்கவும். ஒரு வருடம் வரை உபயோகிக்கலாம். சிறிய பெருங்காய துண்டு அல்லது உப்பை மிளகாய் தூளின் மேல் தூவி வைத்தால் நீண்ட நாட்கள் கெட்டு போகாமல் இருக்கும்.