வெந்தய கீரை கோழி குழம்பு (மேத்தி சிக்கன்)
Ingredients
- கோழி கறி – 1/2 கிலோ (கடிக்கும் அளவில் வெட்டப்பட வேண்டும்)
- வெந்தய கீரை – 1 கட்டு (2 கப் அளவு)
- வெங்காயம் – 2 (பொடியாக நறுக்கியது)
- பச்சை மிளகாய் – 2
- இஞ்சி பூண்டு விழுது – 1 மேசைக்கரண்டி
- தக்காளி (கூழ்) – 2
- தயிர் – 2 மேசைக்கரண்டி (சிலுப்பியது)
- மஞ்சள் தூள் – 1/2 தேக்கரண்டி
- மிளகாய் தூள் – 3 தேக்கரண்டி
- தனியா தூள் – 2 தேக்கரண்டி
- சீரக தூள் – 1/2 தேக்கரண்டி
- சோம்பு தூள் – 1/2 தேக்கரண்டி
- கரம் மசாலா தூள் – 1/2 தேக்கரண்டி
- சீரகம் – 1/2 தேக்கரண்டி
- சோம்பு – 1/2 தேக்கரண்டி
- உப்பு – தேவையான அளவு
- எண்ணெய் – 3 மேசைக்கரண்டி
Instructions
- கனமான அடிப்பாகம் உள்ள வாணலில் எண்ணெய் ஊற்றி, எண்ணெய் சூடான பின், சீரகம், சோம்பு தாளிக்கவும்.
- பொடியாக நறுக்கிய வெங்காயம் சேர்த்து பொன்னிறமாகும் வரை வதக்கவும்.
- இஞ்சி பூண்டு விழுது சேர்க்கவும், பச்சை வாசம் போகும் வரை வதக்கி, பச்சை மிளகாய் சேர்த்து வதக்கவும்.
- கோழி கறி, சிலுப்பிய தயிர், உப்பு சேர்த்து சில நிமிடங்கள் வதக்கவும்.
- எல்லா தூள்களையும் சேர்க்கவும் (தனியா, சீரகம், மிளகாய், மஞ்சள் and சோம்பு தூள்கள்).
- தக்காளி கூழ் மற்றும் தேவையான தண்ணீர் சேர்க்கவும். வறுவல் போல் வேண்டுமானால் தண்ணீர் குறைவாக சேர்க்கவும் .
- பாத்திரத்தை மூடி 15 நிமிடங்கள் எண்ணெய் பிரியும் வரை வேகவிடவும்.
- இறுதியாக வெந்தய கீரை, கரம் மசாலா சேர்த்து கிளறவும்.
- ஒரு நிமிடம் கழித்து அடுப்பை அணைக்கவும். சுவையான மேத்தி சிக்கன் தயார்.