அரிசியை தண்ணீரில் கழுவி இரவு முழுவதும் அல்லது குறைந்தது 2 மணிநேரம் ஊற வைக்கவும்.

அரிசியில் உள்ள தண்ணீரை வடித்துவிட்டு ஒரு சுத்தமான துணியில் உலரவிடவும். 2-4 மணிநேரம் உலர்த்தவும்.

மிக்ஸியில் கொரகொரப்பாக அரைத்துகொள்ளவும். இல்லாவிடில் மிஷினில் அரைக்கவும்.

2 கிண்ணம் மாவை ஒரு தட்டில் போட்டு சிறிதளவு உப்பு சேர்க்கவும்.

நான் இன்று புட்டு செய்யும் குக்கரை பயன்படுத்துகிறேன். குக்கரில் தண்ணீர் ஊற்றி கொதிக்கவிடவும்.

புட்டு குழலில் முதலில் துருவிய தேங்காய் 1-2 மேசைக்கரண்டி போடவும். அடுத்து தயார் செய்த புட்டு மாவை நிரப்பவும்.

புட்டு குழலை மெதுவாக புட்டு குடம் அல்லது குக்கரின் மேலே பொருத்தவும்.

சில நிமிடங்களில் புட்டு குழலின் வழியாக ஆவி வெளியாகும். சிறிது நேரத்தில் புட்டு வெந்த வாசம்வரும்.

அடுப்பிலிருந்து எடுத்து தட்டில் கொட்டி பரிமாறவும்.