மாம்பழக் கேக் (குக்கரில் செய்வது)
Servings: 8 people
Ingredients
- சர்க்கரை - 1/2 கிண்ணம்
- எண்ணெய் - 1/4 கிண்ணம்
- பால் - ¾ கிண்ணம்
- எலுமிச்சை சாறு - 1 மேசைக்கரண்டி
- மாம்பழச் சாறு - 1 தேக்கரண்டி அல்லது மாம்பழக் கூழ் - 1/2 கிண்ணம்
- மைதா - 1 1/4 கிண்ணம்
- பேக்கிங் சோடா - ¼ தேக்கரண்டி
- பேக்கிங் பவுடர் - 1 தேக்கரண்டி
- உப்பு - 1/8 தேக்கரண்டி
Instructions
தயாரிப்பு முறை
- பேக்கிங் பான் அல்லது குக்கரில் உள்ளே வைக்கும் அளவு உள்ள ஒரு பாத்திரத்தில் எண்ணெய் அல்லது வெண்ணெய் உள் பக்கம் முழுவதும் தடவவும். (நான்ஸ்டிக், அலுமினியம், அல்லது எவர்சில்வர் போன்று ஏதேனும் ஒரு பாத்திரம்.)
- குக்கர் மூடியில் உள்ள கேஸ்கட் மற்றும் வெயிட்டை நீக்கி விடவும். குக்கரின் உள்ளே 1 கப் உப்பு (அல்லது மணல் அல்லது பேக்கிங் சோடா) போடவும். இது ஓவனில் செய்வது போலவும் குக்கரின் உள்பக்கம் கருப்பாக ஆகாமலும் தடுக்கலாம். குக்கருக்கு பதில் அடி கனமான வேறு பாத்திரத்தையும் உபயோகிக்கலாம்.
- உப்பு போட்ட பின்னர் குக்கரை 5 நிமிடங்கள் சூடாக்கவும். தண்ணீர் சேர்க்க தேவையில்லை.
செய்முறை
- ஒரு பெரிய கிண்ணத்தில் சர்க்கரை, எண்ணெய், பால் சேர்த்து கலக்கவும். சர்க்கரை கரையும் வரை கலக்கவும்.
- மாம்பழக் சிரப் (அல்லது மாங்காய் கூழ்) சேர்த்து கலந்து கொள்ளவும்.
- மைதா, பேக்கிங் பவுடர், பேக்கிங் சோடா, உப்பு அனைத்தையும் மாங்காய் கூழ், பால், சர்க்கரையுடன் சேர்த்து கலந்து கொள்ளவும்.
- கடைசியாக எலுமிச்சை சாறு சேர்த்து நன்றாக கலந்து கொள்ளவும்.
- முதலில் தயாராக எண்ணெய் தடவி வைத்த பாத்திரத்தில் அந்த கலவையை ஊற்றவும்.
- ஏற்கனவே சூடு செய்த குக்கரில் மூடியை நீக்கி விட்டு வேறு ஒரு பாத்திரத்தை வைக்கவும்.
- கலவையுடன் உள்ள பாத்திரத்தை ஏற்கனவே அடியில் வைத்த பாத்திரத்தின் மீது வைக்கவும். இதை செய்யும் போது கவனமாக செய்யவும் ஏனெனில் குக்கர் மிகவும் சூடாக இருக்கும்.
- குக்கரை மூடி அடுப்பை மிதமான தீயில் 5 நிமிடங்கள் வைக்கவும்
- அடுப்பை மீண்டும் குறைத்து 30 நிமிடங்கள் வைக்கவும். அதிகமான தீயில் இருந்தால் குக்கர் கருப்பாகிவிடும்.
- டூத்பிக் கொண்டு நடுவில் குத்தி பார்க்கவும் மாவு எதுவும் ஒட்டாமல் வரும்வரை வேகவைக்கவும். குறைந்தது 30-45 நிமிடங்கள் ஆகும்.
- அடுப்பை அணைத்து 5 நிமிட்ங்கள் ஆறவிடவும். பாத்திரத்தை வெளியில் எடுத்து மீண்டும் 10 நிமிடங்கள் ஆற வைத்து பின்னர் கேக்கை துண்டுகள் போடவும்.
