மெது வடை
Servings: 4 People
Ingredients
- உடைத்த உளுந்து / உளுத்தம் பருப்பு – 1 கிண்ணம்
- இஞ்சி – 1 அங்குலம் (துருவியது)
- பச்சை மிளகாய் அல்லது வர மிளகாய் -3-4 (பொடியாக நறுக்கியது)
- பொடித்த கருப்பு மிளகு – 1/ 2 தேக்கரண்டி
- பெருங்காயம் – ஒரு சிட்டிகை
- கருவேப்பிலை – 1- 2 கொத்து (பொடியாக நறுக்கியது)
- எண்ணெய் – பொரிக்க தேவையான அளவு
- உப்பு - ருசிக்கேற்ப
- தண்ணீர் – அரைக்க சிறிதளவு (1/4 கிண்ணம்)
விருப்பபட்டால் சேர்க்க தேவையானவை
- வெங்காயம் – 1/2 (நறுக்கியது)
- கொத்தமல்லி – ஓரு கையளவு (நறுக்கியது)
- சீரகம் – 1/2 தேக்கரண்டி
- ஏதேனும் ஒரு வகை காய் – 1/2 கிண்ணம்
- தேங்காய் துண்டுகள்
Instructions
- உளுத்தம் பருப்பை 1 மணி நேரம் அல்லது 1/2 மணி நேரம் ஊறவைக்கவும்.
- தண்ணீரை வடித்துவிட்டு உளுந்தை கிரைண்டர் அல்லது மிக்ஸி அல்லது பிளண்டரில் சிறிதளவு (மிகவும் குறைவாக) தண்ணீர் சேர்த்து அரைக்கவும்.
- அரைத்த மாவை ஒரு கிண்ணத்தில் மாற்றி தேவையான அளவு உப்பு, துருவிய இஞ்சி, பச்சை அல்லது வர மிளகாய், பொடித்த மிளகு, பெருங்காயம், நறுக்கிய கருவேப்பிலை சேர்க்கவும்.
- விருப்பபட்டால் சேர்க்க கொடுத்துள்ளவற்றை சேர்க்கவும். எல்லாவற்றையும் நன்றாக கலந்து கொள்ளவும்.
- இந்த சமயத்தில் வடை பொரிக்க தேவையான எண்ணெயை சூடாக்கவும்.
- வடை தட்டுவதற்கு கையை ஈரமாக்கி கொண்டு சிறிதளவு மாவை எடுத்து உள்ளங்கையில் வைத்து தட்டவும். கையில் தட்டுவதற்கு பதில் பாலிதின் பேப்பர் பயன்படுத்தலாம்.
- தட்டியபின்னர் விரலால் மாவின் நடுவில் ஒரு ஓட்டை போடவும்.
- மெதுவாக தட்டிய வடையை சூடான எண்ணெயில் போடவும். நடுவில் ஓட்டை போடுவதால் வடை உள்ளும், புறமும் நன்றாக வெந்துவிடும். வடைகளை மிதமான தீயில் பொரிக்க வேண்டும்.
- ஒருபுறம் சிவந்த பின்னர் அடுத்த பக்கம் திருப்பிவிடவும்.
- இரண்டு பக்கமும் பொன்னிறமான பின்னர் வெளியில் எடுத்து எண்ணெய் வடியவிட்டு டிஷ்யூ பேப்பரில் போட்டால் அதிகப்படியான எண்ணெய் வடிந்துவிடும்.